Nous présentons...
Mia MERGEN
this week matches
Sat, 28.11.2020 17:30D3D VC Steinfort 3RSR Walfer 3Steinfort
Sat, 28.11.2020 19:30NLD VC SteinfortVolley BartrengSteinfort
Sun, 29.11.2020 18:00D1H VC SteinfortVC Strassen 2Steinfort
Sun, 29.11.2020 16:00D1D V80 Pétange 2VC Steinfort 2Pétange
Sun, 29.11.2020 14:00SCO VC SteinfortEnt. VC Bissen / VC LorentzweilerSteinfort
Sun, 29.11.2020 14:00SCO VC SteinfortEnt. VC Bissen / VC Lorentzweiler 2Steinfort
Sun, 29.11.2020 14:00SCO VC SteinfortEscher VBCSteinfort
Sun, 29.11.2020 14:00SCO VC SteinfortVB Amber-LensterSteinfort
last week results
Sat, 21.11.2020 18:00NLD VC SteinfortGYM Volley
Sat, 21.11.2020 14:00MIN Ent. VC Bissen / VC Lorentzweiler 3VC Steinfort
Sat, 21.11.2020 14:00MIN Escher VBCVC Steinfort
Sat, 21.11.2020 14:00MIN Volley Bartreng 2VC Steinfort
Sat, 21.11.2020 14:00MIN Ent. VC Bissen / VC LorentzweilerVC Steinfort
Sat, 21.11.2020 14:00MIN CHEV DiekirchVC Steinfort
Sun, 22.11.2020 16:00D2H Escher VBC 3VC Steinfort 2
  • Sungas
  • GNToitures
  • logo grober
  • Logo HilbertConstructions
  • logo kichechef
  • logo kirsch
  • logo luxmotor
  • logo raiffeisen
  • Lucas new test
  • logo studio3
  • RoyalAuto
  • Peinture Paul Theis
  • Cars Benelux
  • logo Total
  • Clausel
  • LOGO CROCCANTE WEB
  • LOGO ären hauswierker

Baggers de Bal mam DJ Djails

Dësen Freiden, 9. November ass et ërem sou wäit!

Den VC Stengefort invitéiert op säin traditionellen Baggers de Bal. Fir den musikalëschen Encadrement suergt wéi ëmmer den DJ Djails.

Eng super Stëmmung ass hei garantéiert, loosst Iech dësen Evenement nët entgoen!

Lass geet et ab 21 Auer am Centre Roudemer zu Stengefort.

 

 

Print Email

Resultater vum Coupe-Weekend

Den Weekend stoung d'Coupe um Programm fir eis Stengeforter Equipen, hei d'Resultater vun eiser Dammen- an Härenéquipe:

VC Belair (D2D) (+5) - VC Steinfort (NLD) 0-3 (12:25 ; 14:25 ; 16:25)

Fir eis Dammen goung et auswärts bei den VC Belair (2. Divisioun). Als Equipe aus der Novotel Ligue waren sie um Pabéier natierlech favoriséiert, mee d'Coupe huet jo bekanntlech hier eegen Reegelen. Déi grouss Iwwerraschung sollt an dësem Match allerdéngs ausbleiwen. Den Stengeforter Trainer Pompiliu Dascalu huet vun dëser Geleegenheet profitéiert, fir och deenen Spillerinnen déi soss manner Spillzäit kréien, hieren Asaatz ze ginn. Och wann d'Dammen vum Belair an all Saatz mat 5 Punkten Virsprong gestart sinn, sou konnten eis Meedecher schnell nees ausgläichen an en kloëren Virsprong erausspillen. Et bleiwt awer ze soën, dass d'Equipe vum Belair phasenweis richteg gudd dogéint gehaalen huet, an eis Meedecher bei deem een oder aaneren Ballwiessel kaal erwëscht huet. Ënnert dem Strëch war den Ënnerscheed tëschent deenen 2 Equipen awer däitlech ze gesinn. Sou gewannen eis Meedecher kloer an verdéngt mat 3-0 an stinn domat an der Véirelsfinall. Hei ass den Géigner den Volley Bartreng, déi hieren 1/8-Finall-Match géint den VB Iechternach mat 3-2 gewonnen haaten.

VC Steinfort (D1H) (+4) - Escher VBC (NLH) 0-3 (22:25 ; 20:25 ; 23:25)

Eis Hären haaten um Sonndegowend den Escher VBC op Besuch. Am Virfeld war kloer, dass den Supercoupe-Gewënner vun Esch den Favorit wier, mee sou däitlech sollt et hei net ginn. Eis Hären ginn mat Respekt an dësen Match, an deem sie an all Saatz 4 Punkten Virsprong kruuten. An et sollt och eng Zäit laang daueren, bis déi Escher dësen égaliséieren konnten. Duerch hiert séiert Spill sollt dëst awer fréiher oder spéider geléngen, sou dass d'Gäscht sëch en klengen Virsprong erausspillen konnten. Duerch vill Asaatz an eng deels onkonventionell Spillweis konnten eis Stengeforter Hären déi Escher allerdéngs déi eng oder aaner Kéier iwwerraschen, sou dass et bis zum Enn spannend bleiwen sollt, well sech och ëmmer erem kleng Feeler an daat Escher Spill geschlach hunn. Schlussendlech hunn dei Escher sech den éischten Saatz mam Score vun 25:22 gesëchert. Dëst war sou zimmlech d'Bild vum Match, eis Hären konnten deels gudd mathaalen, ma um Enn sollt et net duergoën fir dem Supercoupe-Gewënner ee Saatz ofzeknäppen. Sou ginn d'Sätz 2 an 3 och un dei Escher mat 25:20 an 25:23. Fir d'Gäscht heescht et also Pflichtaufgab erfëllt, während fir eis Hären an der Aachtelsfinall Schluss ass. Trotzdem kann een aus Stengeforter Siicht zefridden sinn an positiv op déi nächst Matcher kucken.

 

Eis Dammen 2 an Hären 2 kommen réicht am nächsten Tour vun der Coupe FLVB zum Asaatz, sie haaten an der éischter Ronn ee Fräilous zougeloust kritt. D'Dammen 2 wärten et an der 2. Ronn mam VC Fenténg 2 ze doen kréien, während eis Hären 2 op den VC Stroossen 2 treffen. Dës Matcher wärten den 15./16. Dezember gespillt ginn.

 

Nächste Weekend steet dann nierft dem Baggers' de Bal rem normal den Championnat um Plang fir all eis Equipen.

Lass geet et en Samsden um 16:00 Auer. Do sinn eis Dammen 2 beim VC Luerenzweiler op Besuch.

Um 19:00 Auer ass et un den Dammen 1, déi auswärts zu Mamer untrieden.

D'Dammen 3 maachen d'Ouverture um Sonnden, sie spillen doheem géint den VB Amber-Lënster, dëst um 14:00 Auer.

Am leschten Match vum Weekend treffen eis Hären 1 um 18:00 Auer am Duell vun den Opsteiger op den VB Iechternach.

 

Mir zielen dobäi natierlech op d'Ënnerstëtzung vun eisen Supporter!!

 

Print Email

4. Spilldag an der Novotel Ligue - Dammen 1 verléiren géint Walfer

Dësen Weekend war reduzéierten Programm ugesoot, nëmmen d'Equipen aus der Novotel Ligue waren am Asaatz.

NLD: VC Steinfort - RSR Walfer 0-3 (19:25 ; 21:25 ; 19:25)

Eis Stengeforter Dammen haaten dofir am Kader vum 4. Spilldag d'Résidence vun Walfer op Besuch. D'Geschicht vun dësem Match ass séier erzielt, de Champion vun Walfer gewënnt kloër mat 3-0.

Domat rutschen eis Dammen an der Tabell op déi 6. Plaatz, nodeems déi Stroossener Dammen mat 3-1 zu Iechternach gewannen konnten. Nächsten Weekend steet dann d'Coupe de Luxembourg um Programm, wou et fir eis Meedecher op den Belair geet.

Um 5. Spilldag geet et dann auswärts géint den VC Mamer.

Print Email

D'Resultater vum Weekend - Dammen 1 verléiren zu Diekrech, Hären gewannen doheem géint Péiteng!

Fir eis Dammen stoung dësen Weekend den 3. Spilldag an der Novotel Ligue um Programm, den Géigner war mam CHEV Diekrech keen einfachen. Eis Hären haaten mam V80 Péiteng den Ofsteiger aus der Novotel Ligue op Besuch.

D'Resultater vum Weekend am Iwwerbléck:

NLD: CHEV Diekrech - VC Steinfort 3-1 (23:25 ; 25:6 ; 25:17 ; 25:22)

Et war sëcherlech keng einfach Aufgab auswärts beim CHEV Diekrech fir eis Stengeforter Meedecher. Eis Dammen gewannen deen éischten Saatz mat klengst méiglechen Ecart, 25:23. E gudden Start, allerdéngs ass den Vize-Champion vun Diekrech am 2. Saatz dunn wakreg ginn. Op Stengeforter Säit war éischter den Contraire den Fall, d'Equipe wierkt wéi ausgetosch. Mat vill Drock um Service bereet d'Localéquipe eise Meedecher grouss Problemer, an der Receptioun klappt net vill. Dei Diekrecher Dammen gewannen dësen Saatz mat 25:6, an suergen domat fir kloer Verhältnisser. Et konnt een nëmmen hoffen, dass eis Meedecher nees zréck an den Match fannen, waat hinnen am 3. Saatz och gelongen ass. Trotzdem fueren dei Diekrecher Dammen do weider wou sie opgehaal haaten, allerdéngs konnten eis Meedecher dës Kéier besser dogéint haalen. Den Saatz geet trotzdem däitlech mat 25:17 un den CHEV, déi soumat mat 2-1 an den Sätz an Féihrung ginn. Am 4. Saatz wollten déi Diekrecher näischt méi ubrennen loossen, och wann een op Stengeforter Säit nach eng Kéier no erun komm ass. Deen 4. an leschten Saatz geet domat mam Score vun 25:22 un den Vize-Champion, déi den Match mat 3-1 gewannen.

Fir eis Meedecher geet et dann nächste Samsden um 19:00 Auer weider, wann sie den amtéirenden Champion vun Walfer empfänken.

D1H: VC Steinfort - V80 Péiteng 3-1 (19:25 ; 25:23 ; 25:19 ; 25:22)

Nodeems eis Hären um éischte Spilldag zu Fenténg batter ënnert d'Rieder komm waren, wollt sie dësen Weekend beweisen, dass een sie trotzdem net ënnerschätzen duerf. Allerdéngs war den Géigner mam V80 Péiteng keen einfachen. E besonnëschen Match war dëst fir den Guy Schanen, deen ufanks der Saison vum V80 op Stengefort gewiesselt war.

Den Ofsteiger aus der Novotel Ligue huet gudd ugefaang, eis Jongen hunn allerdéngs och gudd dogéint gehaalen, sou dass een ufanks en ausgeglachenen Match gesinn huet. Trotzdem ass et de Gäscht aus dem Minette gelongen sech en klengen Virsprong erauszespillen, sou dass sie den Saatz mat 25:19 fir sech entscheeden konnten. Eis Jongen waren trotzdem weider motivéiert, well een gesinn huet, dass hei mei dran war. Daat wollten sie nom Säitewiessel ënner Beweis stellen. Ëmmer méi entwéckelt sech en Match op Aenhéicht, eis Jongen iwwerzeegen duerch e staarken Block an enger gudden Défense. Och d'Receptioun wierkt am Verglach zum leschte Weekend staark verbessert. D'Hären vun Péiteng fannen den Wee duerch den Stengeforter Block net mei sou einfach wei daat nach virdrun den Fall war, während dëst eisen Jongen ëmmer besser geléngt. Um Enn sëcheren eis Jongen sech dësen Saatz knapps mat 25:23 an gewannen domat hieren 1. Saatz dës Saison. Am 3. Saatz gëtt et dann e bëssen turbulent. Während eis Jongen weiderhin Drock maachen, gerooden déi Péitenger ëmmer méi an Schwieregkeeten, besonnesch mam Aurel Vlaicu sengen Servicer hunn déi Péitenger grouss Schwieregkeeten an der Receps. Op Péitenger Säit kënnt et dann zu Onrouh innerhalb vun der Equipe, waat hinnen sëcherlech net hëlleft. Onschéin gëtt et wéi den Péitenger Passeur sëch eng giel Kaart afänkt, well heen mat enger Décisioun vum Arbiter net averstaanen war. Um Enn sëcheren eis Jongen sech den Saatz mat 25:19 an ginn 2-1 an Féihrung. Et haat een d'Gefill wéi wann den Momentum d'Säiten gewiesselt hätt, an dëst sollt sech och confirméiren. Während eis Jongen weiderhin konzentréiert agéieren, huet een op Péitenger Säit weiderhin Problemer. Et sollt allerdéngs nach eng Kéier spannend ginn, well eis Jonger dem Géigner duerch e puer onnéideg Eegefeeler hëllefen rem zréck an den Match ze kommen. Schlussendlech geléngt et den Gäscht beim Score vun 21:21 nach eng Kéier auszegläichen. Dunn sollt et nach eng Kéier onschéin ginn: No widderhuelter Warnung an gieler Kaart am 3. Saatz, kruut den Péitenger Passeur schlussendlech déi roud Kaart an leescht sénger Equipe domat keen Déngscht. Den Match schéngt bei 24:21 décidéiert ze sinn, an no enger faute de position vun den Gäscht kennt d'Freed op Stengeforter Säit keng Grenzen méi. Eis Jongen gewannen den Match mat 3-1 géint den V80 Péiteng an stellen androcksvoll ënner Beweis, dass een sie net ënnerschätzen duerf!

Eis Hären bleiwen deen nächste Weekend spillfräi, nächsten Géigner ass den Escher VBC am Kader vun der Coupe de Luxembourg. Dësen Match gëtt den 4. November um 18:00 Auer zu Stengefort gespillt.

D1D: Volley Bartreng 2 - VC Steinfort 2 3-2 (14:25 ; 25:21 ; 19:25 ; 25:11 ; 15:3)

D3D: VC Steinfort 3 - VC Standard Wiltz 0-3 (13:25 ; 11:25 ; 25-27)

D2H: RSR Walfer 2 - VC Steinfort 2 3-0 (25:7 ; 25:8 ; 25:14)

 

E groussen MERCI  un all eis Supporter déi eis Equipen dësen Weekend nees ënnertëtzt hunn!

Print Email

D'Resultater vum Weekend - Dammen 1,2 an erfollegräich, Hären verléiren Optakt

En erfollegräichen Weekend geet fir den VC Stengefort op en Enn, dobäi sinn folgend Resultater erauskomm:

NLD: VC Stengefort - VC Stroossen 3-0 (26:24 ; 25:23 ; 25:17)

D'Stroossener Dammen haaten deen besseren Start fir sech, an ginn mat vill Drock um Service schnell 6:0 an Féihrung. No engem temps-mort kommen eis Dammen nees Stéck fir Stéck erun, sou dass sech en ausgeglachenen Match entwéckelt. Keen kann sech wierklech ofsetzen. Eis Dammen ginn eng éischte Kéier beim Stand vun 25:24 an Féihrung an kënnen direkt deen éischten Saatzball verwerten. 1-0 fir eis Meedecher.

Deen 2. Saatz verleeft ähnlech: Et sinn nees déi Stroossener déi besser aus dem Säitewiessel erauskommen an sech e puer Punkten Avance erausspillen kënnen, iert eis Meedecher un d'Laafen kommen. Mat engem staarken Blockspill an ëmmer mei Réussite an der Attaque kommen eis Meedecher nees erun an kënnen sech géint Enn vum Saatz e puer Punkten Avance erausspillen. Dei Stroossener kommen nach eng Kéier liicht erun, um Enn behaalen eis Meedecher allerdéngs d'Nerven an erhéichen op 2-0 an den Sätz (Score 25:23).

Am 3. Saatz sinn eis Meedecher vun Ufank un hellwaakreg an spillen sech direkt eng 4-Punkten-Féihrung eraus. De Géigner vu Stroossen wierkt an villen Sequenzen midd, et feelt hinnen d'Réussite an der Attaque. Ëmmer méi Feeler maachen sech am Stroossener Spill breed, sou dass Stengefort sech weider ofsetzen kann. Um Enn geet och dësen Saatz mat 25:17 un eis. Ët ass soumat déi éischt Victoire fir eis Dammen am 2. Match.

Nächste Weekend geet et dann auswärts géint den CHEV Diekrech, deen sech um Sonnden 3-1 géint Péiteng behaapt.

D1D: VC Stengefort 2 - VC Mamer 2 3-0 (25:23 ; 25:12 ; 25:23)

Och d'Dammen 2 maachen en super Match, deen zu Ufank relativ ausgeglach ass. Keng Equipe kann sech wierklech ofsetzen, réicht géint Schluss vum Saatz kënnen eis Meedecher an Féihrung goën an sou den Saatz fir sech entscheeden. Score 25:23 an 1-0 fir Stengefort.

Am 2. Saatz spillt eis Formatioun ganz konzentréiert an mëcht kaum Feeler. De Géigner vu Mamer huet Problemer do matzehaalen an geréiht séier kloer a Réckstand. De Saatz geet um Enn kloer mat 25:12 un eis Meedecher.

Den 3. Saatz ass dann baal eng Copie vum 1. Saatz, et schleichen sech nees mei Feeler an daat Stengeforter Spill, mee um Enn sollt et awer duer goën fir den Saatz mat 25:23, an soumat den Match mat 3-0 ze gewannen.

D3D: V80 Péiteng 3 - VC Stengefort 3 1-3 (12:25 ; 25:17 ; 18:25 ; 11:25)

Och d'Dammen 3 sinn um Sonnden an d'Saison gestart an waren dobäi zu Péiteng um Besuch. Bei dëser Geleegenheet koumen vill nei Gesiichter op Stengeforter Säit zu hierem Début an den Stengeforter Faarwen. Mam Lindsay Scheer (virdrun V80 Péiteng), Anne Schwarz (virdrun RSR Walfer), Julie Stephany (virdrun VC Luerenzweiler), souwéi dem Jil Philippe, daat no 2 Joër beim V80 Péiteng den Wee zréck op Stengefort fonnt huet, starten direkt 4 nei Spillerinnen fir eis Meedecher. An sie hunn direkt mol kloër gestallt ween den Chef um Terrain ass. Sie gewannen den 1. Saatz mat 25:12 an loossen der Lokaléquipe keng Chance.

No engem staarken 1. Saatz hunn eis Meedecher dunn e wéineg rotéiert, waat fir Onsëcherheet um Terrain gesuergt huet. Déi Péitenger fannen lues awer sëcher an d'Spill, d'Feeler häufen sech op Stengeforter Säit, an sou war een séier mat 10 Punkten hannen. No 2 temps-morts kënnen eis Meedecher nach eng Kéier liicht opschléissen, allerdéngs loossen dei Péitenger Dammen sech des komfortabel Avance net mei huelen, an gewannen den 2. Saatz mat 25:17.

Op Stengeforter Säit huet een aus sengen Feeler geléiert, an sou steet zum Ufank vum 3. Saatz nees d'Starting Six um Terrain. Dëst mëcht sech séier bemierkbar an eis Dammen spillen sech nees séier eng kloër Avance eraus, op déi den Géigner keng Äntwert parat haat. Den Saatz geet um Enn mat 25:18 un eis Formatioun.

Och am 4. Saatz waren eis Meedecher vun Ufank un hellwaakreg an wollten op der aanerer Säit keng Hoffnung mei opkommen loossen. Dëst geléngt hinnen exzellent, sie maachen kaum Feeler an gewannen dësen Saatz däitlech mat 25:11. Um Enn steet also eng 3-1 Victoire fir eis Meedecher um Pabéier, iwwert déi een sech freeen kann!

D1H: VC Fenténg 2 - VC Stengefort 3-0 (25:12 ; 25:11 ; 25:15)

Eng schwiereg Aufgab stoung fir eis Hären um Programm, ëmmerhin ass den Géigner mat Fenténg 2 eng Equipe dei sech seit Joëren op deenen éischten 2 Plaatzen an der 1. Divisioun hällt. An trotzdem wollten sech eis Jongen als Opsteiger net verstoppen an waren voll motivéiert. Allerdëngs huet sech erausgestallt, dass dëst keen einfachen Match sollt ginn, wéi een sech et schonn erwaarden konnt.

Eis Hären fänken gudd un, ginn allerdengs séier an Réckstand. Déi Fenténger Reservequipe mëcht vill Drock um Service an zwéngt eis Jongen ëmmer ërem zu Feeler. Sou konnten sie séier eng däitlech Avance erausspillen, fir den Saatz um Enn mat 25:12 ze gewannen.

Den Start an den 2. Saatz ass dann ganz batter: dei Fenténger Hären maachen keng Feeler, eis Jongen hunn Problemer an der Receps an kommen an der Attaque kaum bis guer net duerch en ganz staarken géignerëschen Block, sou dass eng 10:0 Avance fir Fenténg zustaanen kënnt. No engem temps-mort kënnen eis Stengeforter dunn schlussendlech punkten, déi Fenténger Avance bleiwt allerdéngs konstant bei ongeféier 10 Punkten. Um Enn vum 2. Saatz muss een sech dann aus eiser Siicht mat 11:25 geschloën ginn.

Am 3. Saatz sinn eis Jongen dann nees mei konzentréiert, an kënnen eenegermoossen an Schlagdistanz bleiwen, iert de Géginer sech ërem mat e puer Punkten ofsetzen konnt. Dei Fenténger Erfahrung, den héichen Tempo an déi wackleg Stengeforter Receps sinn um Enn d'Haaptgrënn dofir, dass déi Fenténger sech och deen 3. Saatz mam Score vun 25:15 sëcheren kënnen, an sou den Match verdéngt mat 3-0 gewannen.

Fir eis Jongen bleiwt ofschléissend ze soën, dass een sech no an no muss un den Tempo an der 1. Divisioun gewinnen. Et muss een dei positiv Lektiounen aus dësem Match zéihen, an et dierf een sech op kee Fall ënnerkréien loossen. Nächsten Weekend geet et dann doheem géint den Oofsteiger aus der Novotel Ligue, den V80 Péiteng.

 

Um Enn geet en groussen MERCI  un all eis Supporter déi eis Equipen dësen Weekend nees ënnertëtzt hunn. Mir hoffen och weiderhin op är Präsenz op den Matcher!

Print Email

  • Sungas
  • GNToitures
  • logo grober
  • Logo HilbertConstructions
  • logo kichechef
  • logo kirsch
  • logo luxmotor
  • logo raiffeisen
  • Lucas new test
  • logo studio3
  • RoyalAuto
  • Peinture Paul Theis
  • Cars Benelux
  • logo Total
  • Clausel
  • LOGO CROCCANTE WEB
  • LOGO ären hauswierker